Міжнародны дзень роднай мовы на кафедры "Беларуская і замежныя мовы"

21 лютага ва ўсім свеце адзначаецца дзень роднай мовы. Мэта свята - садзейнічаць моўнаму і культурнаму развіццю асобы і абараняць мовы, якія паступова знікаюць.

Гэта свята адзначаюць людзі, якія вывучаюць мову і перадаюць веды аб мове: настаўнікі мовы і літаратуры, даследчыкі-лінгвісты, супрацоўнікі бібліятэк, студэнты і выкладчыкі філалагічных факультэтаў вышэйшых навучальных устаноў і ўсе, хто паважае роднаю мову.

21 лютага на кафедры "Беларуская і замежныя мовы" пад кіраўніцтвам канд. філал. навук, дацэнта Бураковай М.У. адбылася віктарына, прысвечаная Міжнароднаму дню роднай мовы. У віктарыне прынялі ўдзел студэнты энергетычнага (група ЭС-41) і машынабудаўнічага факультэтаў (групы НР-11 і Л-11).

Заданні віктарыны былі пабудаваны на аснове кліпа "Смак мовы", з якім студэнты пазнаёміліся ў пачатку мерапрыемства. Цікавыя заданні дазволілі студэнтам не толькі паказаць  веды роднай мовы, але  і прадэманстраваць свае творчыя магчымасці: за 10 хвілін скласці верш на беларускай мове.

Усе ўдзельнікі віктарыны  з вялікай цікавасцю ўдзельнічалі ў выкананні заданняў, праяўлялі кемлівасць і высокую эрудыцыю. У выніку ўсе каманды атрымалі амаль аднолькавую колькасць балаў і сталі пераможцамі!

Буракова М.У., Кулік Л.У.

фота Бураковай М.У.